Thursday, 25 May 2017

Առաջադրանք տնտեսագիտությունից. Տուրիզմը Հայաստանում

Օտարերկրացի ընկերս փնտրում էր մի երկիր, որը կայցելերը` որպես զբոսաշրջիկ: Ուզում էի հանդիպել նրա հետ և այդ պատճառով նրան առաջարկեցի, որ այցելի Հայաստան` իմանալով, որ դժվար, թե կարողանամ նրան ապահովվել շատ հետաքրքիր ժամանց:
Ամեն դեպքում հյուրս Հայաստանում անցկացրեց երկու շաբաթ, և քանի որ անկեղծ մարդ էր, և գիտեր, որ իր ասածից չեմ նեղանա, ասաց, որ կային բաներ, որոնք մեղմ ասած չբավարարեցին նրան: Արդարության համար նաև պետք է նշեմ, որ նա շատ գոհ էր ՀՀ մուտքի վիզայի մատչելիությունից և ժողովրդի վերաբերմունքից: Միգուցե սրա պատճառը տուրիստների սակավությունն է: Այսպիսով նա ՀՀ տուրիզմի զարգացման մեջ տեսավ 3 խոշոր խնդիր:
Առաջին խնդիրը, որը նա տեսավ, հյուրանոցների տեղակայումն էր: Նա եղել էր շատ երկրներում և ըստ նրա` աշխարհի ոչ մի զարգացած կամ զարգացող զբոսաշրջություն ունեցող երկրում բարձր վարկանիշ ունեցող հյուրանոցները այսքան աղմկոտ վայրերում չեն կառուցված: Նա նշեց, որ զբոսաշրջիկը, որքան էլ լինի ակտիվ հանգստի սիրահար, երբեք կողմ չէ աղմուկին և ավելի է նախընտրում մի փոքր վատ սպասարկում ունեցող հյուրանոցները հանգիստ պայմաններում, քան մի քանի աստղեր պարունակող հյուրանոցը քաղաքի կենտրոնում: Հաճախ դու արթնանում ես մտքերով, որ քեզ սպասվում է հետաքրքիր և բացահայտումներով լի օր, ապա դուրս ես գալիս հյուրանոցից և բացարձակ հիասթափություն ես ապրում: Դրան գումարվում է Երևանի ճարտարապետական աններդաշնակությունը, որը իջեցնում է Երևանի ազդեցիկ շինությունների կերպարը:
Հաջորդ խնդիրը, որ նա նշեց, միջքաղաքային ճանապարհների ոչ բարվոք պայմաններն էին: Ըստ նրա` Հայաստանի ամենատեսարժան վայրերը չեն գտնվում Երևանում, և Հայաստանի այցեքարտը դարերի պատմությունն ու մշակույթն է: Հայաստանի տարածքում կան բազմաթիվ եկեղեցիներ, խաչքարներ և մի քանի գոյատևած ամրոցներ: Հաճախ ճանապարհը նման տեսարժան վայրեր կարելի է անցնել միայն ամենագնաց մեքենաներով:
Իսկ վերջին խնդիրը, որին նա անդրադարձավ, Հայաստանի ոչ բարենպաստ քաղաքային սպասարկումն է: Փողոցներում չկան հասարակական զուգարաններ, իսկ փողոցներում և այգիներում աղբարկղերի սակավ քանակը անհարմարության մեջ է գցում երկրի միջավայրը չիմացող զբոսաշրջիկին: Նա չգիտի, թե արդյոք նրան կտուգանեն, եթե աղբը թափի գետնին և չգիտի, թե ինչպես նրան կնդունեն մարդիկ, եթե նա աղբը թափի փողոցում: Չկան նաև փողոցների անունների ցուցանակներ, իսկ որոշ տեղերում անցումների բացակայությունը քաոսի մեջ է գցում զբոսաշրջիկին:

Անկեղծ կարծիքի նշեց այն խնդիրները, որոնց պատճառով նա երբեք չի վերադառնա Հայաստան` որպես զբոսաշրջիկ: 

0 Մեկնաբանություններ:

Post a Comment